Жаңа оқу жылы қарсаңындағы мерекелік іс-шара барысында өңіріміздегі білім беруді дамытуға қосқан үлесі үшін үздік педагогтер марапатталды. “Облыстың білім саласын дамытуға қосқан елеулі үлесі мен кәсіптік қызметіндегі жоғары жетістіктері үшін” облыстық білім беру басқармасының Құрмет грамотасымен мектебіміздің қазақ тілі мен әдебиеті пәні мұғалімі Ерболат Нұқ марапатталды. Білім саласындағы көп жылғы еңбегі үшін технология пәні мұғалімі М.Д.Каиргельдинов аудандық білім бөлімінің Алғыс хатына ие болды. Ал мектеп директорының оқу-тәрбие ісі жөніндегі орынбасары М.А.Кисинаға жоғары кәсібилігі үшін “АMANAT” партиясы Ақтоғай аудандық филиалының Алғыс хаты табысталды. Марапатталған әріптестерімізді құттықтаймыз!🌹🌹🌹 👏👏👏
Тамыз кеңесінің пленарлық бөлімінде мектеп директоры Н.Н.Искакова “Дарынды оқушылармен жұмыс - заманауи білім берудегі маңызды фактор” тақырыбында баяндама жасады. Мектеп басшысы өз баяндамасында Қараоба орта мектебіндегі дарынды оқушылармен жұмыс жүйесі, оның бағыттары мен нәтижесіне тоқталып өтті.
Қараоба орта мектебінің ұжымы “Дарынды балаларды дамытудағы жоғары көрсеткіштері үшін” білім беру бөлімінің Алғыс хатымен марапатталды. Сонымен қатар мектебімізге алдағы уақытта тач-панель табысталатын болады. Әріптестерімізді қуанышты жаңалықпен құттықтаймыз!👏
