25 мамыр күні мектебімізде “Ұядан ұшқан түлектер, болатын бізге тіректер” атты Түлектер кеші кең көлемде аталып өтті. 9:30-да түлектерді тіркеу басталып, арнайы бағдарлама таратылды
Мектеп директоры Н.Н.Искакова құрметті қонақтар мен түлектерді, ардагер ұстаздарды құттықтап, кештің бағдарламасымен таныстырды.
Түлектер арасында алғашқы тілек тізгіні 1974 жылғы түлектерге берілді. Мектеп бітіргендеріне жарты ғасыр уақыт өткен түлектер өз тілектерін білдіріп, мектепке 2 микрофон тарту етті.
Келесі тілектер легі 45 және 40 жылдық түлектерге берілді. Олар барша түлектерді мерекемен құттықтап, мектепке тағзым ретінде ақшалай сыйлық табыстады. Болашақта бұл қаражат мектептің материалдық жағдайын жақсартуға жұмсалатын болады👏👏👏
Түлектер кешінің сәні болған 30 жылдық түлектер мектеп ұжымына алғыстарын айтып, қазақ сыныбы мектепке 10 жұмсақ орындық (пуфиктер) сыйласа, орыс сыныбының түлектері 2 үлкен бөлме гүлін сыйға тартты.
2004 жылдың түлектері өздері тәлім алған білім ордасына арнайы тапсырыспен жасалған сағат және “Айгөлек” шағын орталығына ойыншықтар сатып алуға 100 мың теңгелік сертификат сыйлады
15 жылдық және 10 жылдық түлектер де өз жылы лебіздерін білдірді. 10 жылдық түлектер мектебімізге қызыл кілем сыйлады. Ал 15 жылдық түлектер мектеп ауласына 2 орындық (лавочка) пен 2 қоқыс жәшігіне тапсырыс бергендерін жеткізді.👏👏👏
